Dolar dîsa rekor tomar kir: Bi ser 29 lîreyan ket

Hewlêr (Rûdaw) - Dolarê Amerîkî li hemberî lîreyê Tirkî rekoreke nû tomar kir.

Her dolarekî Amerîkî bi ser 29 lîreyên Tirkî ket.

Daketina bihayê lîreyê Tirkî li hemberî pereyên biyanî berdawam e.

Îro her dolarekî Amerîkî gihişt 29,02 lîreyên Tirkî.

Lîreyê Tirkî ji serê salê ve li hemberî dolar bihayê xwe bi rêjeya ji sedî 55 ji dest da.

Îsal serê salê her dolarek 18,73 lîre bû.

Li aliyê din, euro jî îro 31,29 lîre ye.